आबे हत्यामा संलग्नले दिए यस्तो बयान

जापानका पूर्वप्रधानमन्त्री सिन्जो आबे हत्या आरोपमा पक्राउ परेका व्यक्तिले घटनाको जिम्मेवारी लिएका छन् ।

४१ वर्षीय आक्रमणकारी तेत्सुया यामागामीले प्रहरीसँगको बयानमा आफू कसैबाट परिचालित नभई स्वविवेकले त्यस्तो कदम उठाएको बताए । उनले आबे एक गुप्त संलग्नमा लागेको र सो संगठनको गतिविधिप्रति आफू असहमत रहेकाले गोली हानेको बताए ।

आबे कुन गुप्त संगठनमा थिए भन्नेबारे उनले केही बताएका छैनन् । पश्चिम जापानको नारा सहरमा शुक्रबार बिहान आयोजित चुनावी प्रचार सभामा भाषणा गरिरहेका बेला आबेमाथि अचानक गोली प्रहार भएको थियो ।

छातीमा दुई गोली लागेका आबेको नारा विश्वविद्यालयअन्तर्गतको शिक्षण अस्पतालमा उपचारका क्रममा निधन भएको थियो ।