श्रीलंकाका पूर्वअर्थमन्त्रीको विदेश भाग्ने प्रयास विफल, प्रदर्शनकारीले विमानस्थलमा रोके

श्रीलंकाका पूर्वअर्थमन्त्री बसेल राजापाक्षेको विदेश भाग्ने प्रयास विफल भएको छ ।

विदेश भाग्न खोजेका उनलाई प्रदर्शनकारीले विमानस्थलमा रोकेका थिए । विरोधका कारण अध्यागमन पार गर्न पाएनन् । मुलुक गम्भीर आर्थिक संकटमा फस्दै गएका बेला बसेलले गत अप्रिलमा पदबाट राजीनामा दिएका थिए । उनी राष्ट्रपति गोटावाया । पूर्व राष्ट्रपति महिन्दा राजापक्षेका भाइ हुन् ।

उनीमाथि अमेरिकाको समेत नागरिकता रहेको आरोप लाग्दै आएको छ । प्रदर्शनकारीले राजापाक्षे परिवार र राजनीतिक नेतृत्वलाई भाग्न नदिन अन्तर्राष्ट्रिय विमानस्थलमा चेकपोष्ट राखेका छन् ।

मुलुक गम्भीर आर्थिक संकटमा फसेपछि सर्वसाधारणले शनिबार राष्ट्रपति र प्रधानमन्त्री निवास कब्जा गरेका थिए । राष्ट्रपति र प्रधानमन्त्रीको राजीनामा नआएसम्म निवास नछाड्ने अडान उनीहरुको छ ।