संरक्षित क्षेत्रको रुख कटान गर्ने वडाध्यक्ष शाहीद्वारा बारम्बार झुटो बयान

ललितपुर महानगर वडा १५ मा रहेको संरक्षित क्षेत्रको करिब १७ वटा रुख स्विकृती बिना काटिएको विषयमा वडाध्यक्ष सुरेश शाहीले बारम्बार झुटो बयान दिने गरेका छन् ।

रुख कटान गरिएको जग्गा रहेको स्थान कित्ता नम्बर ५/श ७२ को १ रोपनी १ आना जग्गा मालपोत कार्यलयमा नेपाल सरकारको नाममा रहेको छ । तर वडाध्यक्ष शाहीले भने ललितपुर महानगरले सोधेको स्पष्टिकरणमा उक्त जग्गा व्यक्तिगत रहेको बयान दिएका थिए ।

उनको झुटो बयानको शिलशिला महानगरको स्पष्टिकरणमा मात्र सिमित भएन । जिल्ला वन कार्यालय ललितपुरले मागेको जानकारीमा पनि वडाध्यक्ष शाहीले उक्त जग्गा व्यक्तिगत नै भएको झुटो जानकारी दिएको जिल्ला वन अधिकृत राम कुमार भण्डारीले बताए । उक्त जग्गा व्यक्तिगत नभइ नेपाल सरकारको नाममा रहेको बारे आफू पनि जानकार रहेको अधिकृत भण्डारीले जानकारी दिए । वन कार्यालयले उक्त घटनाको अनुसन्धान गरिरहेको र उपर्युक्त प्रमाणका आधारमा मुद्दा दायर गरिने पनि अधिकृत भण्डारीले जानकारी दिए ।

ललितपुर महानगर वडा १५ सातदोबाटोमा अवस्थित भेल्पा मन्दिर परिसरको रुख सम्बन्धित निकायको स्विकृती बिना कटान गरिएको थियो । यसमा आफ्नो संलग्नता नरहेको वडाध्यक्ष शाहीको दाबी रहेपनि उनले दिने गरेका बयानमा सार्वजनीक जग्गालाई व्यक्तिगत भएको रहने गरेको छ । सार्वजनीक जग्गालाई व्यक्तिगत रहेको बयान दिइनुले पनि वडाध्यक्ष शाही कै मिलेमतोमा उक्त रुखहरु कटान गरिएको स्पष्ट हुन्छ ।

यसै विषयमा यस अघि प्रकाशित सामग्री :

वडाध्यक्ष कै मिलेमतोमा संरक्षित क्षेत्रको रुख काटियो, सार्वजनीक जग्गा निजी भन्दै स्पष्टिकरण