पत्रकार सापकोटा गोविन्द वियोगी पत्रकारिता पुरस्कारबाट सम्मानित

गोविन्द वियोगी पत्रकारिता पुरस्कार, २०८० बाट नुवाकोट जिल्लामा सञ्चालित त्रिशूली प्रवाह साप्ताहिकका सम्पादक तथा पत्रकार शरण उत्सुक सापकोटा सहित चार जना सम्मानित भएका छन् ।

सम्पादक समाज नेपालले आज नुवाकोटको शिवपुरी ७ स्थित सुईरेचौरमा आयोजना गरेको वियोगी पत्रकारिता पुरस्कार एवं सम्मान समारोहमा ‘योहो’ टेलिभिजनका समाचार प्रमुख जीवराम भण्डारी, ‘त्रिशूली प्रवाह’का सम्पादक शरण उत्सुक सापकोटा र पत्रकार मन्टेश्वरी राजभण्डारी सम्मानित भएका हुन् । पुरस्कार अर्थमन्त्री डा. प्रकाशशरण महतले प्रदान गरेका थिए ।