हाम्रो बारेमा

संचारमाध्यम र आम–जनताको संयुक्त खबरदारीले अनियमितता र असमानतालाई सहजै हस्तक्षेप गर्न सकिन्छ भन्ने विश्वाससहित हरप्रहर डट कम हामीले यहाँहरु माझ ल्याएका छौँ । भ्रमपूर्ण र गलत सूचनाको धमिलो महासागरबीच हरप्रहर डट कम सानो भएपनि संग्लो र कञ्चन कुलो बनेर बग्ने अठोट गरेको छ ।

सूचना प्रविधिले मारेको फड्कोसँगै यहाँहरु माझ सूचना ग्रहणको तौरतरिकामा आएको परिवर्तन र चाहना हामीले गहन रुपमा बुझेका छौँ । पत्रकारिताको मूल्यमान्यता हरप्रहर आत्मसाथ गर्दै अगाडी बढ्ने प्रण गर्दछौँ । पछिल्लो प्रविधिको आयामलाई उच्चतम प्रयोग गर्दै, यहाँहरु कै सहजतालाई ध्यानमा राख्दै हरप्रहर डट कमले न्यूज पोर्टलका साथै मल्टिमिडियाका सामग्रीहरु हरप्रहर टिभि युट्युब च्यानलमार्फत पस्किने जमर्को गरेको छ ।

असमानताको विरुद्ध र संविधानको रक्षाका निम्ति हाम्रो विषय वस्तु सदैव केन्द्रित रहने छन् । निष्पक्ष सूचना र मनोरन्जनात्मक प्रस्तुतीहरु यहाँहरुले हरप्रहर डट कम न्यूज पोर्टल र हरप्रहर टिभिबाट ग्रहण गर्न सक्नुहुनेछ । यहाँहरु नै हाम्रो लागि सर्वेसर्वा – हौसलाका साथै सकारात्मक आलोचना हरप्रहर स्विकार्य छ ।