काठमाडौँ – वरिष्ठ हास्यकलाकार मदनकृष्ण श्रेष्ठकी पुत्री सराना श्रेष्ठको नयाँ गीत आज (आइतबार) सार्वजनिक भएको छ । महजोडी अर्थात् मदन कृष्ण श्रेष्ठ र हरिवंश आचार्यको फरक अवतार भएको नयाँ म्युजिक भिडियोमा गायिका, निर्देशक तथा मोडलसमेत रहेकी सरानाले नयाँ गीतका रुपमा ‘मन्तर मोहनी’ बजारमा ल्याएकी हुन् ।

कालीप्रसाद बाँस्कोटाले संगीत भरेको गीतमा सरानाकै स्वर छ । भिडियोमा महजोडी, गायिका श्रेष्ठ, अभिनेता पुष्प खड्का र बाल कलाकारमा सन्दीप क्षेत्रीकी छोरी साम्राज्ञी क्षेत्री फिचर्ड छन्। उक्त भिडियोको निर्माता गोपाल कृष्ण महर्जन र सराना हुन् । सँधै दर्शकलाई हसाउँदै आइरहेको जोडीले यस म्युजिक भिडियोमा अब जादु गरेको पनि देख्न सकिने छ ।