उतरी ग्रिसमा जहाज दुर्घटना, पाइलटसहित ८ जनाको मृत्यु

उतरी ग्रिसमा एउटा कार्गो जहाज दुर्घटना हुँदा पाइलटसहित ८ जनाको मृत्यु भएको छ।

समाचार संस्था रोयटर्सका अनुसार सर्वियाबाट जोर्डन गइरहेको उक्त एएन९१२ जहाज शनिबार साँझ उत्तरी ग्रिसको एउटा गाउँको मकैबारीमा दुर्घटनामा परेको हो।

मकैबारीमा खस्नुभन्दा अघि जहाजमा आगोको मुस्लो देखिएको थियो।जहाजको इन्जिनमा समस्या देखिएपछि पाइलट आपतकालीन अवतरणका लागि खबर गरेका थिए तर केहीबेर मा जहाजको सम्पर्क टुट्यको थियो।

हतियारसहित अति संवेदनशील सामान बोकेको उक्त जहाजमा केहीबेरपछि मात्रै बिस्फोट भएको थियो।जहाजले उक्त सामान बंगलादेश ल्याउन लागेको अलजजिराले जनाएको छ।