काठमाडौँ महानगरको १९ वडाद्वारा राहत वितरण (भिडियोसहित) !

काठमाडौँ – काठमाडौँ महानगरको १९ वडाले राहत वितरण गरेको छ ।

आफ्ना वडामा रहेका विपन्न र कोरोनाका कारण भएको बन्दाबन्दीले मर्कामा परेर भोकै बस्न नपरोस भनेर वडाले राहत वितरण गरेको हो ।

पहिलो चरणको राहत वितरणमा छ सय जनालाई राहत वितरण गरिसकेको र यो दोस्रो चरणको राहत वितरण रहेको वडाध्यक्ष शशिलाल श्रेष्ठले बताए । राहतको जरुरत भएका १९ वडामा बसोबास गर्ने बहालवाला र घर धनी दुवैलाई राहत वितरण गरिएको र लकडाउनको अवस्था हेरेर भावी राहत वितरणमा केही परिमार्जन हुन सक्ने पनि उनले जानकारी दिए ।

पाँच केजी चामल, एक केजी दाल, आधा लिटर तेल र एक केजी नुनको राहत प्याकेज जरुरत स्थानियलाई बितरण गरिएको छ ।

अपुग मात्रामा राहत रकम विनियोजन भएकाले जरुरत नभएकाले राहत सामग्री नलिदिन पनि वडाका स्थानीय मनोज नेवा खड्गीले बताए । संयन्त्रको अभावले राहत वितरणमा वडाको केहि त्रृटि रहेको पनि उनले बताए ।

वडाको संयन्त्रले सर्वदलिय छलफलमार्फत नै राहत वितरण गरेको वडाका सदस्य चन्द्रमान डंगोलले जानकारी दिए ।