१ वर्षदेखि दाजुले गरे आफ्नै बहिनीको बलात्कार, आमाले नै घटना लुकाएपछि…

भारतको राजधानी दिल्लीमा एक १० वर्षीया बालिकालाई आफ्नै दाईले एक वर्षसम्म बलात्कार गरेको घटना बाहिर आएको छ ।

बालिकाले यो सबै घटनाको जानकारी आमालाई दिन्थिन् तर आमाले छोरालाई सम्झाउनुको साटो छोरीलाई कुरा गोप्य राख्नको लागि सम्झाउने गरेको आजतकले लेखेको छ । दिल्लीमा प्रहरीले विद्यालयहरुमा एक कार्यक्रम सञ्चालन गरेको थियो ।

त्यसैक्रममा उनीहरु एक सरकारी स्कुलमा गए । त्यहाँको कक्षा ४ मा अध्ययनरत एक छात्राले आफूमाथि भइरहेको घटनाबारे एउटा पत्रमा लेखेर ‘लेटरबक्स’मा राखिदिइन् । पत्रमा दाईले आफूमाथि १ वर्षदेखि लगातार गर्दै आएको बलात्कारको बारेमा उल्लेख गरिएको थियो । पत्र पढेपछि प्रहरीले अहिले यो घटनाको बारेमा अनुसन्धान गरिरहेको छ ।