एएफसी कपः अबहानीलाई हराउने लक्ष्यमा मनाङ !

मंगलबार सातदोबोटोमा भएको प्रिम्याच कफ्रेन्समा बोल्दै मनाङका प्रशिक्षक छिरिङ लोप्साङले अबहानीलाई हराउने आफ्नो उद्देश्य भएको बताएका छन् । यता, कप्तान विराज महर्जनले पनि मनाङ शारीरिक र मानसिक रुपमा अबहानी क्लबविरुद्ध खेल्न तयार भएको बताए ।

निकै बलियो टिमको रुपमा परिचित अबहानीेका प्रशिक्षक मारियो लेमोसले घरेलु टिमविरुद्ध जितको लागि खेल्ने बताए । आफ्नो टिमको लक्ष्य एएफसी कपको दोस्रो चरणमा पुग्ने भएको कारण मनाङलाई पाखा लगाउने आफ्नो रणनीति भएको बताए ।

होम एन्ड अवेको आधारमा हुने प्रतियोगिताको समूह ‘इ’ मा मनाङसँगै, बंगलादेशको ढाका अबहानी, भारतका दुई क्लब मिनर्वा पञ्जाब र चेन्नाईयीन रहेका छन् ।