झापा – पूर्वराजा ज्ञानेन्द्र शाह र उनकी पत्नी कोमललाई झापाबाट काठमाडौं आउनका लागि पास सिफारिस गर्न झापा प्रशासन कार्यालयले गृहमन्त्रालयसँग अनुमति मागेको छ।
बिहीबार पूर्वराजा शाहले काठमाडौं जाने पासका लागि निवेदन गरेका थिए। प्रशासनले पास जारी गरेपनि केही बेरमै गृहमन्त्रालयले प्रकृया नपुगेको भन्दै खारेज गरेको थियो।
‘उहाँले आज पासको लागि निवेदन गर्नुभएको थियो। हामीले जारी गरिदियौं तर केही बेरमा प्रकृया नपुगेको भन्दै गृहले खारेज गरेको हो,’ प्रमुख जिल्ला अधिकारी उदयबहादुर रानामगरले भने, ‘अहिले फेरि हामीले गृहसँग अनुमति लिदैँछौं।’
अहिले पास जारी गर्न प्रशासन कार्यालयले गृहमन्त्रालयसँग अनुमति लिन पर्ने व्यवस्था छ। सोही अनुसार प्रकृया नपुगेपछि गृहले खारेज गरिदिएको हो भने फेरि प्रशासनले गृहसँग अनुमति लिन प्रकृया थालिसकेको उनले बताए।
उनका अनुसार पूर्वराजा शाहले कारणमा काठमाडौं जाने भन्नेमात्रै उल्लेख गरेको बताएका छन्।
‘उहाँले कारणमा काठमाडौं जानका लागि पासको माग गर्नुभएको छ,’ उनले भने, ‘अब उक्त कारण मन्त्रालयले कत्तिको उपयुक्त मान्ला।’
www.harprahar.com
हरप्रहर – निष्पक्ष खबर
मिडिया फ्याक्ट्री प्रा. लि. द्वारा संचालित
सम्पादक : सौगात मिश्र
सातदोबाटो, ललितपुर, बागमती प्रदेश
०१५१५११९३, ९८५११६८१२३
सूचना विभाग दर्ता नम्बर: १९९२
प्रेस काउन्सिल सूचीकरण नम्बर: २१७७
सूचना-लेख-रचनाका लागि :
विज्ञापनका लागि : ०१-५१५११९३, ९८०१०६८१२३