कोरोनाको महामारी बीच खाद्य सामग्रीमा उल्लेख्य मूल्यवृद्धि, सबैभन्दा बढी काठमाडौंमा !

काठमाडौं – कोरोना भाइरसको सन्त्रासका बीच खाद्य सामग्रीमा उल्लेख्य मूल्यवृद्धि भएको छ ।

नेपाल राष्ट्रबैंकले सार्वजनिक गरेको चालु आर्थिक वर्ष २०७६/७७ को ९ महिना (साउन–चैत)सम्मको आंकडा अनुसार खाद्य तथा पेय पदार्थ समूहको मूद्रास्फीति ९.६८ प्रतिशत पुगेको छ ।

राष्ट्र बैंकका अनुसार काठमाडौं उपत्यकामा सबैभन्दा बढी मूल्यवृद्धि भएको छ । यस अवधिमा काठमाडौं उपत्यकामा ७.१९ प्रतिशतको मूल्यवृद्धि भएको छ । तराईमा ७.०४, पहाडमा ५.८४ र हिमालमा ४.८३ प्रतिशतको मूल्यवृद्धि भएको छ ।

अघिल्लो आर्थिक वर्ष २०७५/७६ को चैतसम्म यी क्षेत्रमा क्रमशः ४.७४, ३.९५, ४.८० र ६.२० प्रतिशतको मूल्यवृद्धि रहेको थियो ।