१० अर्बको हिसाब दिने सीसीएमसीको निर्णय, पिसीआर परिक्षण पनि बढाउने

काठमाडौँ – कोभिड १९ क्राइसिस म्यानेजमेन्ट कमिटी (सिसिएमसी)ले कोरोना नियन्त्रण र रोकथामका लागि प्रभावकारीरूपमा काम अघि बढाउने निर्णय गरेको छ ।

सिहदरबारमा शुक्रबार बसेको बैठकले कोरोना परिक्षणका लागि पिसिआर बिधिलाइ बढाउदै प्रभावकारी रूपमा काम अघि बढाउने निर्णय गरेको हो ।

बैठकले कोरोना नियन्त्रण र रोकथामका लागि भएको खर्चको विवरण सार्वजनिक गर्ने निर्णय पनि गरेको छ ।

त्यस्तै कोरोना जोखिम कायमै रहेको भन्दै भौतिक दुरि कायम गरि गतिविधि गर्न पनि अपिल गरेको परराष्ट्रमन्त्री प्रदिप ज्ञवालीले जानकारी दिए ।

बैठकले कोरोना क्वारेन्टाइको अवस्थामा सुधार गर्न प्रतिबद्ध रहेको निष्कर्ष पनि निकालेको छ ।