सुनको मूल्य तोलामै ९६ हजार नाघ्यो

काठमाडौं – आइतबार सुनको मूल्यले नयाँ रेकर्ड कायम गरेको छ । तोलामै ९६ हजार नाघेर हालसम्मकै उच्च भएको हो ।

नेपाल सुनचाँदी व्यावसायी महासंघका अनुसार आज छापावाल सुनको मूल्य प्रतितोला ९६ हजार ३ सय पुगेको छ भने तेजावी  सुनको मूल्य प्रतितोला ९५ हजार ८६० पुगेको छ ।

त्यस्तै, आज चाँदीको मूल्य पनि बढेको छ । चाँदी आज बढेर प्रतितोला ११५५ पुगेको महासंघले जनाएको छ ।

अन्तर्राष्ट्रिय बजारमा पनि सुनको मूल्य निरन्तर उकालो लागिरहेको छ ।

दैनिक सुनको मूल्य निरन्तर वृद्धि हुँदै गएपछि कारोबार भने ठप्प भएको छ ।