काठमाडौंमा ३५०, ललितपुरमा ५४ र भक्तपुरमा ११ जनामा कोरोना संक्रमणको पुष्टि

काठमाडौं – काठमाडौं उपत्यकामा थप ४ सय १५ जनामा कोरोना भाइरसको संक्रमण पुष्टि भएको छ।

पछिल्लो २४ घण्टामा उपत्यकाभित्र ४ सय १५ जनामा कोरोना भाइरसको संक्रमण देखिएको स्वास्थ्य मन्त्रालयका प्रवक्ता प्रा. डा जागेश्वर गौतमले जानकारी दिए।

यो संख्या काठमाडौं उपत्यकामा अहिलेसम्मकै सबभन्दा बढी हो। शुक्रबार थपिएका संक्रमितहरू काठमाडौंका ३ सय ५० जना, ललितपुरका ५४ जना र भक्तपुरका ११ जना छन्।

उनीहरूको काठमाडौंस्थित विभिन्न प्रयोगशालामा परीक्षण गरिएको हो।

बिहीबारमात्रै काठमाडौं उपत्यकामा ३ सय ७७ जनामा कोरोना भाइरसको संक्रमण देखिएको थियो ।