रातो मछिन्द्रनाथसँग क्षमा माग्दै ‘क्षमा पुजा’ सम्पन्न (भिडियोसहित)

ललितपुर – रातो मछिन्द्रनाथको रथ तान्ने क्रममा नियमितता हुन नसकेका कारण क्षमा पुजा सम्पन्न गरिएको छ ।

रातो मछिन्द्रनाथको तान्न सुरु गरिसकेपछि रोक्न नहुने धार्मिक आस्था रहदै आएकोमा यसपाली भने केही अनियमित भएका कारण क्षमा पुजा गरिएको रथका पुजारी पूर्णराज शाक्यले बताए ।

समन्वय बिना रथ तान्दा भित्र विराजमान भगवान पनि पल्टिएको र यसपालि परापुर्वकाल देखि मनाउदै आएको जात्राभन्दा भिन्न भएका कारण तथा समय मै सुभारम्भ र समापन गर्न नसकेका कारण भगवानसँग क्षमा माग्न यस पुजाको आयोजना गरिएको एक पुजारीले बताए ।

रथ तान्ने क्रममा प्रहरीले अवरोध गरेपछि हिजो दिनभर नै पुल्चोक गाबाहाल क्षेत्र स्थानीय र प्रहरीबीच भएको झडपका कारण तनावग्रस्थ भएको थियो ।

यधपी ज्यापु समाज तथा अन्य जात्रा सरोकारवालाहरुले सम्बन्धीत संस्थासँगको समन्वय बिना नै असम्बन्धीत व्यक्ति आएर रथ तानेको आरोप लगाएका थिए ।