उदयपुरमा छोरीको कुटाइबाट बाबुको मृत्यु

उदयपुर – उदयपुरको लिम्चुङबुङमा छोरीको कुटाइबाट बाबुको मृत्यु भएको छ । लिम्चुङबुङ गाउँपालिका–२ ताम्लिछामा २८ वर्षिया छोरी अनिता थापामगरको कुटाईबाट ५५ वर्षीय बुबा नेत्र बहादुर थापामगरको बुधबार राति मृत्यु भएको हो ।

जिल्ला प्रहरी कार्यलयका अनुसार मादक पदार्थ सेवन गरेर बाबु र आमाबीचको झगडा भएको निहुमा छोरीको कुटाईबाट बाबुको मृत्यु भएको हो ।

गाउँलेले आमा बाबुको झगडा भइरहेको छोरीलाई सुनाएपछि छोरीले बाबुलाई कुटपिट गरेको बताइएको छ । ढुङ्गाले टाउकोमा हानेर कुटपिट गर्दा बाबुको घटनास्थलमै मृत्यु भएको जिल्ला प्रहरी प्रमुख एसपी भीम बहादुर दाहालले बताए।

मृतकको शव पोष्टमार्टमको लागि जिल्ला अस्पताल गाइघाट ल्याउने क्रममा रहेको एसपी दाहालले जानाकारी दिए । घटना बारे थप अनुसन्धानको लागि मृतकका छोरी र श्रीमतीलाई प्रहरीले नियन्त्रणमा लिइसकेको एसपी दाहालले बताए ।