स्नातकको परिक्षासम्बन्धी त्रिविले निकाल्यो सूचना, माघ १८ गतेदेखि परिक्षा संचालन हुने

काठमाडौं – त्रिभुवन विश्वविद्यालयले तीन वर्षे र चार वर्षे स्नातक तह तेस्रो वर्षको परिक्षा सम्बन्धी सूचना प्रकाशित गरेको छ ।

मानविकी, व्यवस्थापन, शिक्षाशास्त्र संकाय तथा विज्ञान तथा प्रविधि अध्ययन संस्थान तृतीय वर्षका नियमित, प्राइभेट, पूरा, आंशिक र मौका समेतका लागि सूचना प्रकाशन गरिएको हो । पाँच वर्षे वि.एल.एल.वि. पाँचौ वर्षका पूरा तथा आंशिक र तीन वर्षे वि.ए.एल.एल.वि. दोस्रो वर्षका नियमित परीक्षा दिने परिक्षर्थीको हकमा पनि यस सूचना लागू हुने छ ।

माघ १८ गतेदेखि परिक्षा संचालन हुने गरी त्रिविले यस सूचना निकालेको हो । परिक्षा सम्बन्धी विस्तृत जानकारी परीक्षा नियन्त्रण कार्यालयको वेवसाइट www.tuexam.edu.np मा हेर्न सकिने पनि त्रिविले जनाएको छ ।