नवनिर्वाचित राष्ट्रपतिको सपथमा सहभागी नहुने ट्रम्प चौथो राष्ट्रपति बन्दै

एजेन्सी – अमेरिकी राष्ट्रपति डोनाल्ड ट्रम्पले नयाँ नेतृत्व सम्हाल्ने जो बाइडेनको सपथ ग्रहण कार्यक्रममा नजाने स्पष्ट पारेका थिए । सपथ ग्रहण कार्यक्रम जनवरी २० मा हुने भएको छ ।

नयाँ नेतृत्वको सपथ ग्रहण कार्यक्रममा सहभागी नभए उनी अमेरिकाको चौथो व्यक्ति हुने भएका छन् । यस अघि सपथ ग्रहण कार्यक्रममा दुई राष्ट्रपति मार्टिन बुरेन र वुडरो विल्सन सहभागी भएका थिएनन् । त्यसैगरी रिचार्ड निक्सन गेराल्ड फोर्डको सपथ ग्रहण कार्यक्रममा सहभागी भएका थिएनन् ।

निक्सनले आफ्नो कार्यकालको मध्य मै राजीनामा दिएका थिए । तीनै जना राष्ट्रपति सपथ ग्रहण कार्यक्रममा किन गएनन् भने विषय अझ सम्म अन्यौल रहेको छ ।