बढ्यो सुनको मूल्य, तोलामा कति पुग्यो ?

काठमाडौं – नेपाली बजारमा सुनको मूल्य आज बढेको छ । सोमबार सुनको मूल्य प्रतितोला ९० हजार ४ सयमा कारोबार भएकोमा आज सुनको मूल्य तोलामा १५ सयले बढेको हो ।

नेपाल सुनचाँदी व्यावसायी महासंघका अनुसार आज छापावाल सुनको मूल्य तोलामा ९१ हजार ९ सय कायम गरिएको छ भने तेजावी सुनको मूल्य ९१ हजार ४ सय निर्धारण गरिएको छ ।

त्यस्तै, आज चाँदीको मूल्य पनि बढेको छ । सोमबार चाँदीको मूल्य तोलामा १३१५ मा कारोबार भएकोमा आज मूल्य बढेर प्रतितोला १३४० पुगेको महासंघले जनाएको छ ।