अग्रज पत्रकार राजेन्द्र स्थापित अशोक श्रेष्ठ स्मृति पत्रकारिता पुरस्कार

काठमाडौं– नेपाल पत्रकार महासंघ काठमाडौं शाखाको २२ औँ साधारण सभा तथा अन्तरक्रिया कार्यक्रममा अग्रज पत्रकार राजेन्द्र स्थापितलाई सम्मान तथा पुरस्कृत गरिएको छ । विगत चार दशकदेखि नेपाली पत्रकारितामा निरन्तर योगदान दिदैआएको कदर स्वरुप अग्रज पत्रकार राजेन्द्र स्थापितलाई पुरस्कृत गरेको हो ।

नेपाल पत्रकार महासंघ काठमाडौं शाखाले शाखाको पूर्वसभापति अशोक श्रेष्ठको नाममा स्थापित अशोक श्रेष्ठ स्मृति पत्रकारिता पुरस्कारवाट अग्रज पत्रकार स्थापितलाई पुरस्कृत गरेको हो ।

शाखाले स्थापितको अलावा शम्भु श्रेष्ठ, बलराम थापा, देवेन्द्र चुडाल, निर्मला शर्मा, विश्वराज किराँत, इन्द्र रिजाल, निरोधराज पाण्डे, ज्ञान उदास, ईश्वरीप्रसाद वाग्ले, मानध्वज लामा, टिबी विरही, गोपाल बुढाथोकी र दामोदर दवाडीजस्ता सवै अग्रज पत्रकारहरुलाई जनही नगद २० हजार र विभिन्न पुरस्कारव्दारा सम्मान गरिएको छ ।