नेपालमै पहिलो मोटरबाइकको संग्रालयसहितको क्याफे ‘एसजे मोटो’

काठमाडौँ – स्याकर ट्रेडिङ्गका निर्देशक सौरभ ज्योतीले मोटरबाइकका पारखीहरुका लागि अनौठो अनुभव प्रदान गर्नको लागि ‘एसजे मोटो’को स्थापना गरेका छन् ।

‘एसजे मोटो’ले सुपरबाइकहरु, बिभिन्न बाइकहरुका साथसाथै नेपालमा मेटरबाइकको इतिहासका बारेमा संग्रालयको रुपमा प्रदर्शन गर्ने छ । बाइक पारखीहरुले विभिन्न बाइकको अवलोकनसहित कफि र नेपालको संस्कृति झल्कने विभिन्न
खानेकुराहरुको परिकारका स्वाद पनि लिन सक्नेछन् ।

बाइक, कफि, कल्चर, फनको सम्मिश्रणको रुपमा ‘एसजे मोटो’ लाई परिचित गराइएको छ ।

‘एसजे मोटो’ नेपाल कै पहिलो मोटरबाइकको संग्रालयसहितको क्याफे रहेको स्याकरका निर्देशक सौरभ ज्योतीले जानकारी दिए ।

‘एसजे मोटो’मा ग्राहकले नयाँ तथा पुराना सुपरबाइकहरु खरिद गर्न सक्नेछन् । विभिन्न ब्राण्डका अफिसियल मर्कन्डाइज लुगा लगायत मार्भेल र डिसी जस्ता ब्रण्डका सामानहरु पनि यहाँ उपलब्ध रहेको छ ।

२५ वर्ष देखिको निरन्तर मोटरबाइकहरुको संग्रह गरिरहेका निर्देशक सौरभ ज्योतीले बाइक पारखीको लागि ‘एसजे मोटो’को स्थापना गर्न पाउदा हर्सित बनेको पनि बताए ।