६ हजार ९५१ कोरोना संक्रमित थपिए, ९ हजार ८४१ जना कोरोनामुक्त

काठमाडौँ – पछिल्लो २४ घण्टामा ६ हजार ९५१ कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ।

यसै अवधिमा थप ९ हजार ८४१ जना कोरोनाबाट मुक्त भएका छन्। थप ९६ जना संक्रमितको मृत्यु भएको मन्त्रालयले जनाएको छ। यीसहित हालसम्म मृत्यु हुनेको संख्या ७ हजार ४७ पुगेको छ।

यस दिन कुल २० हजार ११० जनाको नमुना परीक्षण गरिएको थियो। जसमध्ये पिसिआर १९ हजार ३१३ र एन्टिजेन परीक्षण ७ सय ९७ जनाको गरिएको थियो।