ठिमी नगरपालिकाद्वारा संचालित अस्पताल अक्सिजन आत्मनिर्भरता तिर

काठमाडौँ – कोभिड १९ को दोस्रो लहरसँगै अक्सिजनको अभावका कारण उपचार पाउननसकेको हालको परिस्थितीलाई केही सहजीकरण गर्ने उद्देश्यले COVID 19 Rapid Action Taskforce (C19-RAT) समुहबाट नेपाल राईजिङ्ग अमेरिका रइन्गेज नेपालको आर्थिक सहयोग र गुथिको सहकार्यमा मध्यपुर ठिमी नगरपालिका स्थित नेपाल कोरिया मैत्री नगरपालिका अस्पतालका लागि मेयर मदन सुन्दर श्रेष्ठलाई १० लि.को ६३ थान हाइ परफमेन्स अक्सिजन कन्सनट्रेटर मेसिन हस्तान्तरण गरिएको छ ।

अक्सिजन कन्सनट्रेटरको हस्तान्तरणपश्चात मेयर श्रेष्ठले अब नगरपालिकाका विरामी कसैले पनि अक्सिजनको अभावमा उपचार नपाउने चिन्ताको अन्त्य भएको बताए । उनले नेपाल कोरिया मैत्री नगरपालिका अस्पतालमा अक्सिजन प्लाण्ट स्थापना भए सँगै कोभिड १९ का विरामीहरुलाई गुणस्तरीय अक्सिजन सहज भएको जानकारी दिए । उनले भौतिक संरचना पर्याप्त भएता पनि हाल अक्सिजनको अभावमा अस्पतालले दिनु पर्ने सेवा सुविधा दिन नसकिरहेको अवस्थालाई चिर्दै अक्सिजन कन्सन्टे«टर मेसिन प्रयोग गरी अस्पतालमा ६५ बेड तुरुन्तै संचालनमा ल्याउने विचार व्यक्त गरे ।

हाल कोभिड महामारीले एक व्यक्ति र एक घरलाई मात्र क्षति नगरी विश्वभरका जनताहरुमा त्रास र समस्या निम्त्याएको छ । हरेक दिन कोभिड संक्रमणका कारण मृत्युवरण भएको समाचारले समाज, देश मात्र नभई विश्वभरिका मानिसहरुलाई कमजोर बनाईरहेको समयमा अक्सिजन सिलिण्डरको सहयोग गरी मानिसको जीवन बचाउन थोरै भए पनि सहयोग गर्न पाउँदा खुसी लागेको कुरा बताउँदै चाडैनै यस्तो भयावह अवस्थाको अन्त्य हुने र विश्व नै सामान्य जिवनतर्फ फर्कनेमा आफु आशावादी भएको धारणा गुथिका प्राविधिक सल्लाहकार प्रकाश अमात्यले व्यक्त गर्नु हुँदै सबै जनालाई यस्तो मुस्किल समयमा आफ्नो घर भित्रै सुरक्षित बस्न र आफ्नो तर्फबाट सकिने सहयोग देश जनता र आफ्नो समाजका लागि गर्नुहुन अनुरोध गरे । उनले विदेशमा रहेका नेपालीहरुले कोष स्थापना गरि संकलित रकम नेपालमा रहेका कोभिड संक्रमितहरुका लागि अक्सिजन कन्सनट्रेटर मेसिन वितरण गर्न सहयोग गरेको बारे जानकारी दिए ।

Engage Nepal का प्रतिनिधि डा. दिवेश कर्माचार्यले मध्यपुर ठिमी नगरपालिकाले नमुना अस्पताल संचालन गरेर महामारीको समयमा विरामीहरुलाई पु¥याएको सेवा अतुलनिय रहेको भन्दै प्रसंसा गरे । नगरपालिकालाई आगामी दिनमा अस्पतालको प्रयोगशाला विस्तार गर्न, संक्रमित फोहोर बैज्ञानिक प्रविधिबाट व्यवस्थापन गर्न र आधुनिक सार्वजनिक शौचालय निर्माण गरि सेवा विस्तार गर्न थप सहयोग गर्ने प्रतिवद्धता पनि व्यक्त गरे ।

नेपालमा कोभिड १९ संक्रमित ५२,८,८४८ को संख्यामा रहेका छ भने मृत्युवरण गर्नेहरुको संख्या ६,७०० पुगेको छ । हाल संक्रमितको संख्यालाई हेर्ने हो भने कहाली लाग्दो छ । अक्सिजन अभावका कारण अस्पतालहरुले संक्रमितको उपचार गर्न नसकेकोे अवस्थामा BEFON, SEN, ENPHO, Creasion Nepal, Nepal Rising, Engage Nepal र GUTHI संस्थाहरुले कोभिड १९ विरुद् लडन COVID 19 Rapid Action Taskforce (C19-RAT) समुह गठन गरि अक्सिजन सिलिण्डर र अक्सिजन कन्सनट्रेटर मेसिन संक्रमित बिरामीलाई उपचार गर्न उपलब्ध गराईरहेको छ । यस समुहले विभिन्न अस्पताल र आईसोलेसन सेन्टरहरुमा गरि अहिले सम्म १०० वटा अक्सिजन सिलिण्डर र ७३ अक्सिजन कन्सनट्रेटर मेसिन हस्तान्तरण गरिसकेको छ ।