पाराग्वेमाथि अर्जेन्टिनाको जित

काठमाडौँ – अर्जेन्टिनाले ब्राजिलमा जारी कोपा अमेरिका फुटबलमा दोस्रो जित निकालेको छ । मंगलबार बिहान भएको खेलमा पाराग्वेलाई १-० गोल अन्तरले पराजित गर्दै अर्जेन्टिनाले दोस्रो जित निकालेको हो । अर्जेन्टिनालाई जित दिलाउन एलेजेन्ड्रो गोमेजले निर्णायक गोल गरे ।

उनले खेलको दशौँ मिनेटमा गोल गरेका हुन् । एन्जल डी मारियाको पासमा उनले निर्णायक गोल गरे । यस जितसँगै समूह ‘ए’ को अर्जेन्टिनाले ३ खेलमा ७ अंक जोडेको छ । खेलको आठौं मिनेटमा सर्जियो अग्युरोको प्रहार आकासिएको थियो।

१८औं मिनेटमा कप्तान लिओनल मेसीको फ्रिकिक थोरैले बाहिरिएको थियो।त्यसपछि पाराग्वेले खेलमा सुधार ल्याएको थियो। खेलको अन्त्यतिर पनि अर्जेन्टिनाले पाएका अवसर सदुपयोग गर्न सकेन। जितसँगै समूहमा शीर्ष स्थानमा उक्लिएको अर्जेन्टिनाले ३ खेलबाट ७ अंक जोड्न सफल भएको छ।