११ हजार परीक्षणमा २४ सय ४४ कोरोना संक्रमित थपिए

काठमाडौं – आज नेपालमा कोरोना भाइरसका २ हजार ४ सय ४४ जना संक्रमित थपिएका छन् । योसंगै कुल संक्रमितको संख्या ६ लाख ३५ हजार १ सय ८८ पुगेको स्वास्थ्य तथा जनसंख्या मन्त्रालयले जनाएको छ ।

आज ३ हजार ८ सय ५३ जना संक्रमणमुक्त भएका छन् । हालसम्म नेपालमा ५ लाख ८८ हजार १ सय ८७ जना संक्रमणमुक्त भएका छन् । मन्त्रालयको अनुसार २४ घन्टामा ११ हजार ६ सय ४० जनाको परीक्षण गर्दा १५ सय ९ जना पिसीआर विधिबाट र ९ सय ३५ एन्टिजेन विधिबाट पुष्टि भएको हो ।