युरोकपमा आज क्वाटरफाइनलको अन्तिम दुई खेल

युरोपमा जारी १६ औं संस्करणको युरोकप फुटबल अन्तर्गत आज (शनिबार) राति क्वाटरफाइनलको दुई खेलहरु हुँदैछन् ।

युरोकप अन्तर्गत शनिबार क्वाटरफाइनलको अन्तिम दुई खेलहरु हुनेछन् । पहिलो खेल राति ९:४५ चेक रिपब्लिक र डेनमार्क भिड्दा दोस्रो राति १२:४५ खेलमा युक्रेन र इंग्ल्यान्ड प्रतिस्पर्धा गर्ने छन् । युक्रेनले स्विडेनलाई हराएर अन्तिम आठमा स्थान पक्का गर्‍यो। इंग्ल्यान्डले भने चिरप्रतिस्पर्धी जर्मनीलाई २-० ले पराजित गरेको थियो।

यी दुई खेलको विजेताबीच सेमिफाइनलमा प्रतिस्पर्धा हुनेछ। यसअघि शनिबार विहान इटालीले बेल्जियमलाई तथा स्पेनले स्विट्जरल्यान्डलाई हराउँदै अन्तिम चारमा स्थान पक्का गरेका थिए। इटाली र स्पेनबीच अब सेमिफाइनलमा प्रतिस्पर्धा हुनेछ।