स्वाभिमान लघुवित्तले लाभांश घोषणा गर्यो

काठमाडौं – स्वाभिमान माइक्रोफानान्स वित्त संस्थाले  लाभांश घोषणा गरेको छ । कम्पनीको संचालक समितिको बैठकले आर्थिक वर्ष २०७७/७८ को मुनाफाबाट लाभांश वितरण गर्ने प्रस्ताव गरेको हो । कम्पनीले ३४ प्रतिशत लाभांश दिने प्रस्ताव गरेको छ । संस्थाको चुक्तापुँजी ९ करोड २० लाख ५० हजार रुपैयाँ रहेको छ ।

वित्त कम्पनीले चुक्तापुँजीका ३२.३० प्रतिशतले हुन आउने २ करोड ९७ लाख ३२ हजार १ सय ५० रुपैयाँ बराबरको  बोनस शेयर र कर प्रयोजन सहितको लागि १.७० प्रतिशत लाभांश शेयरधनीहरुलाई दिने प्रस्ताव गरेको छ ।   कम्पनीको उक्त  प्रस्ताव नेपाल राष्ट्र बैंकले स्वीकृति दिएपछि कम्पनीको आगामी साधारणसभाले पारित गरेपछि मात्र लगानीकर्तामा बितरण हुने छ ।