त्रिभुवन विमानस्थलबाट हुने सबै आन्तरिक उडान रद्द, अन्तराष्ट्रियतर्फका उडान भने नियमित

काठमाडौँ – त्रिभुवन अन्तर्राष्ट्रिय विमानस्थलबाट हुने आज बुधवार बेलुकीका सबै आन्तरिक उडान मौसम खराबीका कारण रद्द भएका छन् । वायु सेवा कम्पनीहरूले सूचना निकालेर बेलुका ४ बजेपछिका सबै रात्रिकालीन उडान रद्द भएका जानकारी गराएका हुन् ।

यसैबीच हिजाे मङ्गलवार रातिदेखि भएको वर्षा र हिमपातका कारण त्रिभुवन विमानस्थलबाट हुने ३५ वटा उडान रद्द भएका छन् । आजका लागि ६५ वटा उडान तोकिएकोमा ३५ वटा उडान रद्द भएका विमानस्थलका सन्दीप न्यौपानेले जानकारी दिए ।

काठमाडौँमा पनि मौसम खराब भएको छ भने उपत्यकाबाहिरका विमानस्थलमा हिउँ परेकोले तथा भिजिविलिटी कम भएकोले धेरैजसो उडान रद्द भएका हुन् । अन्तराष्ट्रियतर्फका उडान भने नियमित छन् ।