महिलामाथि दुर्व्यवहार गरेको आरोपमा एमाले निकट युवा संघका केन्द्रीय सदस्य पक्राउ

काठमाडौं – दोहोरी साँझमा महिलामाथि दुर्व्यवहार गरेको अभियोगमा नेकपा एमाले निकट युवा संघका केन्द्रीय सदस्य वकिल बम पक्राउ परेका छन् ।

महानगरीय प्रहरी वृत्त, सोह्रखुट्टेले उनलाई पक्राउ गरेर हिरासतमा राखेको महानगरीय प्रहरी परिसर, काठमाडौंका एसपी दिनेशराज मैनालीले बताए ।

उनका अनुसार बमले बिहिबार राति २ बजे इन्द्रेणी दोहोरी साँझमा महिलालाई दुर्व्यवहार गरेका थिए । ‘अहिले अभद्र व्यवहारको कसूरमा म्याद थप गरेर अनुसन्धान भइरहेको छ’ मैनालीले भने ।