पल शाहविरुद्धको मुद्दामा ट्विस्ट : नाबालिग गायिकाले अदालतमा बयान फेरिन्

अभिनेता पल शाहविरुद्ध जबरजस्ती करणीको मुद्दामा नाबालिग गायिकाले अदालतमा बयान फेरेसंगै मुद्दामा ट्विस्ट आएको छ ।

आज जिल्ला अदालत तनहुँमा बकपत्र दिने क्रममा उनले जाहेरीमा उल्लेखित विवरणहरू झुट भएको बताएकी हुन् ।

पीडितको तर्फबाट मुद्दा लडिरहेका एक कानून व्यवसायीका अनुसार आफूले अरूको उक्साहटमा परेर जाहेरी दिन पुगेको दाबी गरेकी छन् । जाहेरीकर्ता उनका बुवाको भने बकपत्र लिन बाँकी छ ।

बयान फेरेको अवस्थामा अदालतले ६ वर्षसम्म कैद गर्ने कानूनी व्यवस्था हुँदाहुदै पनि नाबालिग गायिकाले यस्तो कदम चाल्नुलाई पलको परिवारले गायिकाको परिवारलाई प्रभावमा लिएर बयान फेर्न प्रेरित गरेको आशंका गरिएका छन् ।

आफूलाई पलले करणी नगरेको बयान दिएको उनको पक्षबाट गएका एक वकिलले बताए । उनले प्रहरी समक्ष आफूलाई पलले पोखरा, तनहुँ र गैंडाकोटमा गरेर तीनपटक करणी गरेको बताएकी थिइन् तर एकाएक अहिले सबै प्रहरीमा दिएको बयान पनि उक्साहटमा हो भनि बयान दिएको वकिलले बताए।