ललितपुरबाट एकीकृत समाजवादी गठबन्धनबाट बाहिरियो, महानगरमा आफ्नै उम्मेदवार

नेकपा (एकीकृत समाजवादी) ललितपुरमा गठबन्धनबाट बाहिरिएको छ । नेपाली कांग्रेस र माओवादीले एकलौटी उम्मेदवार उठाएपछि एकीकृत समाजवादीले पनि ललितपुर महानगरको मेयर र उप मेयरमा आफ्ना उम्मेदवार अघि सारेको छ ।

मेयरमा एकीकृत समाजवादी ललितपुरका अध्यक्ष हरिकृष्ण थापा र उप मेयरमा उषा बज्राचार्यलाई उम्मेदवार बनाउने निर्णय गरेको ललितपुर सह इन्चार्ज अमृतनाथ तिमल्सिनाले जानकारी दिए ।

ललितपुर जिल्लाका कुनै पनि पालिकामा एकीकृत समाजवादीलाई भागबण्डा नदिएपछि ललितपुर महानगरमा आफ्नो उम्मेदवार प्रस्तुत गरेको हो ।