ललितपुर एमाले भित्रै असन्तुष्टिको संख्या बढी रहदा उप-मेयर उम्मेदवार विरुद्ध पर्यो उजुरी

ललितपुर महानगरबाट एमालेको उप-मेयरकी उम्मेदवार मञ्जली शाक्य विरुद्ध उम्मेदवारीको खारेजी माग गर्दै उजुरी परेको छ । ललितपुर महानगरका मतदाता ज्ञान बहादुर खड्गीले शाक्यको उम्मेदवारी नियमसंगत नभएको भन्दै निर्वाचन अधिकृतको कार्यालयमा उजुरी दिएका छन् ।

एमालेबाट उप-मेयरको लागि उम्मेदवारी दर्ता गराएकी शाक्यको समानुपातिक तर्फको बन्दसूचीमा नाम रहेको आरोप छ । बन्दसूचीमा नाम नहटाइ उम्मेदवारी दर्ता गर्न नमिल्ने प्रावधान रहेको छ ।

निर्वाचन आयोगले मनोनयन दर्ता र बन्दसूचीबाट नाम हटाउनको लागि परेका निवेदनमा कार्वाही सँगसँगै अगाडी बढिरहेको जानकारी दिएको छ ।

शाक्य २०७४ सालको स्थानीय निकायको चुनावमा माओवादीबाट ललितपुर महानगरमा उप-मेयरको उम्मेदवारी दिने क्रममा मतदाता नामावलीमा नाम नभेटिएपछि उम्मेदवारी दिनबाट बन्चित भएकी थिइन् । पूर्व माओवादीलाई एमालेबाट ललितपुर महानगरमा उप-मेयरको उम्मेदवार प्रस्तुत गर्दा पार्टी भित्रै असन्तुष्टको संख्या बढ्दो छ ।