महालक्ष्मीबासीको व्यापक समर्थन बटुल्दै मेयरका प्रत्यासी नकुल थापा

नेकपा एकीकृत समाजवादीको तर्फबाट महालक्ष्मी नगरपालिकाका मेयर पदका उम्मेदवार नकुल थापाको पक्षमा व्यापक जनसमर्थन देखिएको छ ।

यसअघि वडाध्यक्षको जिम्मेवारी सम्हालिसकेका थापा मेयर पदको दौडमा छन् । उनको वडाध्यक्षको कार्यकाल सफल रहेको र मेयर पदका लागि पनि एक सक्षम उम्मेदवार रहेकोले थापाको समर्थनमा उत्रिएको महालक्ष्मीबासी बताउँछन् ।

उनको सरलता र स्पष्ट विचारले गर्दा पनि पक्षमा जनलहर उर्लिएको घरदैलो कार्यक्रममा सहभागी एक युवाले बताए । वडाध्यक्ष रहदा आफ्नो वडा मात्र नभएर समग्र महालक्ष्मी नगरपालिका भित्र आइपरेका विपत तथा अप्ठ्यारो परिस्थितीमा अहोरात्र खटिएकाले पनि थापा असल पात्र रहेको उनको भनाइ छ ।