२०८२ अषाढ १८, बुधबार

ट्रेन्डीङ्ग

पोखरामा कांग्रेसका बागी उम्मेदवारद्वारा गठबन्धनका उम्मेदवारलाई समर्थन

हरप्रहर सम्वाददाता पोखरा प्रकाशित मिति: २०७९ बैशाख २६, सोमबार (३ साल अघि)

६५६ पटक पढिएको

पाँच दलीय गठबन्धनको निर्णयविपरीत पोखरा महानगरपालिकामा मेयरको उम्मेदवारी दिएका नेपाली कांग्रेसका बागी उम्मेदवार विमलबहादुर कार्कीले आफ्नो उम्मेदवारी निष्क्रिय भएको घोषणा गरेका छन् ।

पोखरामा कार्कीले बागी उम्मेदवारी दिएका थिए । कार्कीले अन्तिम समयमा विज्ञप्तिमार्फत आफ्नो उम्मेदवारी निष्क्रिय भएको घोषणा गरेका हुन् ।

उम्मेदवरी निष्क्रिय भएको घोषणा गरेका कार्कीले अब गठबन्धनका उम्मेदवारलाई सहययोग गर्ने घोषणासमेत गरेका छन् ।

‘साथीहरुको सल्लाह र अग्रज नेताहरुको आग्रह अनुसार मेरो उम्मेदवारी निष्क्रिय भएको घोषणा गर्दै गठबन्धनका उम्मेदवारलाई सहयोग गर्छु’ कार्कीले विज्ञप्तिमा उल्लेख गरेका छन् ।

सत्तारुढ गठबन्धनबाट पोखरा महानगरपालिकाको मेयरमा नेकपा एकीकृत समाजवादीका धनराज आचार्य र उपमेयरमा नेपाली कांग्रेसका कोपिला रानाभाट उम्मेदवार छन् ।