काठमाडाैं महानगर : ४१ हजार २७९ मतका साथ बालेन रफ्तारमा, पछ्याउँदै सिर्जना र स्थापित

काठमाडौं महानगरपालिकाको प्रमुख (मेयर) पदमा स्वतन्त्र उम्मेदवार बालेन्द्र शाह (बालेन) को अग्रता कायमै रहेको छ । पछिल्लो प्राप्त मतगणनाअनुसार ४१२७९ मतका साथ उनी शीर्ष स्थानमा रहेका छन् ।

उनलाई गठबन्धनकी सिर्जना श्रेष्ठ र नेकपा एमालेका केशव स्थापितले पछ्याइरहेका छन् । सुरुमा बालेनपछि दोस्रो स्थानमा स्थापित थिए तर पछिल्लो मतपरिणाममा स्थापित सिर्जनापछि धकेलिए ।

हाल प्राप्त मतगणनाअनुसार बालेनले ४१२७९ मत पाएका छन् भने सिर्जनाले २३८५५ र स्थापितले २३०२४ मत पाएका छन् । यस्तै, राप्रपाका मदनदास श्रेष्ठले १७९६ र स्वतन्त्र उम्मेदवार सुमन सायमीले १२९३ मत पाएका छन् ।