प्रचण्ड, माधव नेपाल, बाबुराम र वामदेव एउटै दल बनाउनेबारे छलफल गर्दै

माओवादी अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, हालै मात्र जसपाबाट बाहिरिएका पूर्वप्रधानमन्त्री डा. बाबुराम भट्टराई र नेकपा एकीकरण अभियानका संयोजक वामदेव गौतमबीच वार्ता हुने भएको छ ।

चार नेताबीच आज ४ बजे सिंहदरबारमा छलफल हुन लागेको हो । नेताहरुका सचिवालय अनुसार एउटै समाजवादी केन्द्र निर्माणबारे छलफल गर्न बैठक आह्वान गरिएको हो ।

यसअघि माओवादी अध्यक्ष प्रचण्ड र पूर्वप्रधानमन्त्री भट्टराईबीच सिंहदरबारमा छलफल भएको थियो । मिलेर अघि बढ्ने विषयमा दुई नेताबीच सहमति भए पनि मोडालिटीबारे भने कुरा मिल्न बाँकी छ ।