यतिको जहाज ठूलो दुर्घटनाबाट जोगियो

पोखराबाट काठमाडौँका लागि उडेको यति एयरलाइन्सको जहाज ठूलो दुर्घटनाबाट जोगिएको छ ।

यतिको नाइन एन एएनजी कलसाइनको जहाज शुक्रबार बिहान ८ बजेर ५४ मिनेटमा पोखराबाट काठमाण्डुका लागि उडेको थियो । उडेको केहीबेरमै इन्जिनमा समस्या देखिएपछि पाइलटले पोखरा विमानस्थलमै आपतकालीन अवतरण गराएका थिए ।

उडेको ६ मिनेटमा जहाज सुरक्षित अवरण भएको विमानस्थलका सूचना अधिकारी देवराज सुवेदीले जानकारी दिए । जहाज उड्ने बित्तिकै पाइलटले बाँयाँ इन्जिनमा खराबी देखिएको जानकारी नियन्त्रण कक्षलाई दिएका थिए । सुवेदीका अनुसार जहाजमा ४५ जना यात्रु सवार थिए ।