पाँचदलीय गठबन्धनलाई आधार मानेर आगामी निर्वाचनको तयारी गर्छौं : अध्यक्ष नेपाल

नेकपा (एकीकृत समाजवादी)का अध्यक्ष माधवकुमार नेपालले पाँचदलीय गठबन्धनलाई आधार मानेर निर्वाचनको तयारी गर्ने बताएका छन् । मंगलबार संसद भवन नयाँ बानेश्वरमा सञ्चारकर्मीसँग कुरा गर्दै अध्यक्ष नेपालले यस्तो बताएका हुन् ।

‘माओवादी केन्द्रसँग कसरी मिलेर जान सकिन्छ ?’ भन्ने विषयमा प्रारम्भिक चरणको कुराकानी भएको बताउँदै अध्यक्ष नेपालले भनेका छन्, ‘पाँचदलीय गठबन्धनलाई आधार मानेर निर्वाचनको तयारी गर्छौं । माओवादी केन्द्रसँग चुनावपछि एकता अघि बढ्छ । त्यसका लागि संयोजन समिति बनाउने तयारी भइरहेको छ ।’

त्यसोत, सोमबार (हिजो) मात्रै प्रचण्ड–माधव बसेर दुई दलबीच आगामी प्रतिनिधिसभा र प्रदेशसभा निर्वाचनमा संयुक्त घोषणापत्र लिएर जाने समझदारी बनेको छ ।