नारायणगढ-मुग्लिन सडक अवरूद्ध, सूचना लिएर मात्रै यात्रा गर्न अनुराेध

नारायणगढ-मुग्लिन सडक खण्ड स्थित केराबारी भन्ने स्थानमा पहिरो जांँदा नारायणगढ मुग्लिन सडक अवरुद्ध भएको छ । आज बिहान ५ बजेर ५० मिनेटमा भरतपुर महानगर पालिका वडा नम्बर २९ केराबारीमा लेदोसहितको पहिरो जांँदा दुईतर्फी रुपमा सडक अवरुद्ध भएको हो ।

हाल उक्त स्थानमा अझै पानी परिरहेको र पहिरो झर्न नरोकिएकोले केही घण्टा लाग्ने जिल्ला प्रहरी कार्यालय चितवनले जनाएको छ । पहिरो पन्छाउने काम जारी राखिएको छ । केही दिन यता यो ठाउंँमा दिनुहुंँ पहिरो जांँदै आएको छ ।

काठमाडौं, पाेखरातर्फ यात्रा गर्दा वा भरतपुरतर्फ आउँदा सूचना लिएर मात्रै आउन प्रहरीको अनुराेध छ । सडक खुल्न अझै ४/५ घण्टा लाग्ने प्रहरीको भनाइ छ ।