दुई साताअघि ओलीको हातको टीका, दुई सातापछि प्रचण्डको !

माओवादी केन्द्र चितवनका दुई नेता एमाले प्रवेश गरेको दुई सातामै माओवादी फर्किएका छन् ।

माडी नगरपालिका–७ का गिरिधारी सुवेदी र सुरेश थापा माओवादीमै फर्किएका हुन् । उनीहरुलाई बिहीबार अध्यक्ष पुष्पकमल दाहाल प्रचण्डले शिवनगरस्थित निवासमा आयोजित कार्यक्रममा पार्टीमा स्वागत गरे । सुवेदी माओवादी बागमती प्रदेश सदस्य थिए ।

माओवादी जिल्ला सह–इन्चार्ज यमबहादुर परियार र पूर्वलडाकु अञ्जानकुमार तिमल्सिनासँगै उनीहरु गत ३० भदौमा एमाले प्रवेश गरेका थिए ।

उनीहरुलाई ललितपुरको च्यासलस्थित पार्टी मुख्यालयमा एमाले अध्यक्ष केपी ओलीले टिका लगाएर स्वागत गरेका थिए ।