गठबन्धनको तर्फबाट मन्त्री श्रेष्ठले गरे काठमाडौं-८ बाट उम्मेदवारी दर्ता

संस्कृति, पर्यटन तथा नागरिक उड्डयन मन्त्री तथा नेकपा (एकीकृत समाजवादी) का सचिव जीवनराम श्रेष्ठले काठमाडौं – ८ बाट उम्मेदवारी दर्ता गराएका छन् ।

सत्तारुढ गठबन्धनको तर्फबाट श्रेष्ठले समर्थकका विशाल उपस्थितिमा उम्मेदवारी दर्ता गराएका हुन् । मनोनयन दर्ताका क्रममा संचारकर्मीहरुसंग कुरा गर्दै मन्त्री श्रेष्ठले आफ्नो जित सुनिश्चित भएको बिश्वाश ब्यक्त गरे।

राष्ट्रिय खेलकुद परिषद्को सदस्यसचिवको जिम्मेवारी सम्हालेका श्रेष्ठ हाल नेपाल ओलम्पिक कमिटीका अध्यक्ष पनि रहेका छन् । २०७४ को प्रतिनिधिसभा निर्वाचनमा श्रेष्ठ सोही निर्वाचन क्षेत्रबाट निर्वाचित साम्सद हुन् ।