२८ लाख घुससहित रामेछाप खानेपानी कार्यालयका इन्जिनियर पक्राउ

अख्तियार दुरुपयोग अनुसन्धान आयोगले २८ लाख रुपैयाँ घुससहित रामेछाप खानेपानी तथा सरसफाइ डिभिजन कार्यालय रामेछापको मन्थली नगरपालिका १ बाट २८ लाख रुपैयाँ घुससहित इन्जिनियर र प्लम्बर लाई पक्राउ गरेको छ ।

पक्राउ पर्नेमा इन्जिनियर नवराज सत्याल र प्लम्बर बखतबहादुर थापालाई रहेका छन । उनीहरुबाट १६ लाख रुपैयाँ नगद र १२ लाख रुपैयाँको चेक गरी २८ लाख रुपैयाँ बरामद गरिएको अख्तियार स्रोतले जानकारी दिएको छ ।

रामेछापको इन्छिनगाउँ खानेपानी तथा सरसफाइ उपभोक्ता समितिको कामको भुक्तानीवापत उनीहरुले रकम लिएको खुलेको अख्तियारको भनाइ छ । अख्तियारका प्रवक्ता श्यामप्रसाद भण्डारीले अख्तियारको केन्द्रीय कार्यालयको टोली रामेछापमा रहेको पुष्टि गरे ।