लामिछानेविरुद्धको मुद्दामा आजदेखि थुनछेक बहस सुरु

नेपाली क्रिकेटर सन्दीप लामिछानेविरुद्धको मुद्दामा आजदेखि थुनछेक बहस सुरु हुँदैछ ।

सन्दीपविरुद्ध सोमबार जिल्ला अदालत काठमाडौँमा मुद्दा दर्ता भएको थियो । सोमबार प्रहरीको अनुसन्धान प्रतिवेदनको आधारमा सरकारी वकिलको कार्यालयले सन्दीपलाई १० देखि १२ वर्षसम्म कैद सजाय र पीडितलाई क्षतिपूर्ति माग दाबी गर्दै मुद्दा दायर गरेको थियो।

काठमाडौँ जिल्ला सरकारी वकिलको कार्यालयका न्यायाधिवक्ता लक्ष्मण उपाध्यायका अनुसार आजदेखि प्रतिवादीको बयान लिने काम सुरु हुने र बयान सकिएलगत्तै थुनछेक बहस हुने उनले बताए। बुधबार साँझसम्म अदालतको फैसला आउने सभावना रहेको उनले बताए।

लामिछाने लाई गत भदौ ५ गते एक नाबालिगलाइ जवरजस्ती करणी आरोपमा भदौ २१ गते प्रहरी वृत गौशाला मा उजुरी परेको थियो ।