काठमाडौं महानगरको कामकाज आज बन्द हुने

काठमाडौं महानगरपलिकाले आज सबै सेवा बन्द भएको जनाएको छ । महानगरपालिकाले आज गोरखापत्रमा एक सूचना प्रकाशित गरी महानगरपालिका कार्यालय अन्तर्गतका सबै सेवा प्रवाह रोकिएको जनाएको हो ।

महानगरपालिकाले दिएको सूचना अनुसार आज केन्द्रीय कार्यालय तथा मातहतका सबै विभाग–आयोजना–कार्यक्रम–वडा कार्यालयहरू र एकाइहरूबाट प्रवाह हुने सेवा बन्द हुने भएका छन् । आज २८ औं महानगर दिवस भएको र सो दिवस विशेष रुपमा मनाउने भएकोले सेवा प्रवाह रोकिएको सार्वजनिक सूचनामा उल्लेख छ ।