सञ्चारकर्मी विगेन तुलाधर सम्मानित, योमरी प्रतियोगितामा प्रेमहिरा प्रथम

वल्र्ड नेवाः अर्गनाइजेसन (डब्लुएनओ)को आयोजनाया संचालन हुदै आइरहेको ‘डब्लूएनओ दैनिकी प्रसारण (डब्लूडीबी)’ कार्यक्रम पाँच सय एपिसोड पुगेको अवसरमा एक सम्मान कार्यक्रम सम्पन्न् भएको छ । उक्त सम्मान कार्यक्रममा अन्तरवार्ता कार्यक्रमलाई निरन्तर रुपमा संचालन गर्दै आएका संचारकर्मीहरु विगेन तुलाधर, सिल्भिया राजोपाध्याय, नितु डंगोल र डा. नरेशमान शाक्यलाई सम्मान गरिएको छ ।

डब्लुएनओको फेसबुक पेज मार्फत प्रशारण हुदै आएको डब्लूडीबी कार्यक्रम नेपालबाट विश्वको विभिन्न देशमा गई बसिरहेका विभिन्न पेशामा आवद्ध नेवारहरुलाई निमन्त्रणा गरी अन्तरवार्ता लिइ आइरहेको छ । यहि अवसरमा संचारकर्मी विगेन तुलाधरलाई वल्र्ड नेवार अर्गनाइजेसन (डब्लुएनओ)को मिडिया एम्वासडर भएका कारण पनि संचारकर्मि तुलाधरलाई सम्मान पत्र सोही दिनमा ओमबहालको कःसि किचेनमा पनि दिइएको छ ।

डब्लुएनओले सन् २०२१ जुलाई २९ देखि विश्वभरी नेवार समुदायको विभिन्न पक्षलाई अंगालेर दैनिक रुपमा नेपालको समय अनुसार बेलुका ९ वजे देखि १० बजे सम्म कुराकानीको रुपमा अनलाइन कार्यक्रम संचालन हुंदै आइरहेको छ ।

वल्र्ड नेवार अर्गनाइजेसन (डब्लुएनओ)को आयोजना भएको नेवार समुदायको विशेष प्रकारको खाना योमरी बनाउने प्रतियोगितामा पे्रमहिरा तुलाधर प्रथम, हरिनाथ डंगोल द्धितीय, मोहिनि तुलाधर र शर्मिला तण्डुकार तृतीय भएका छन् । अन्य पाँच प्रतियोगीलाई सन्त्वना पुरस्कार पनि यहि कार्यक्रमको अवसरमा दिइएको थियो ।