सुनको मूल्यमा नयाँ रेकर्ड

नेपाली बजारमा बिहिबार (आज) सुनको मूल्यले नयाँ रेकर्ड कायम गरेको छ । आज तोलामा पाँच हजारले मूल्य बढेसँगै नयाँ रेकर्ड कायम भएको हो ।

नेपाल सुनचाँदी व्यवसायी महासंघका आज छापावाल सुनको मूल्य प्रतितोला १ लाख १२ हजार ५ सय रहेको छ भने तेजावी सुनको मूल्य प्रतितोला १ लाख ११ हजार ९५० रुपैयाँ रहेको छ ।

त्यस्तै, आज चाँदीको मूल्य प्रतितोला १ हजार ४१० रुपैयाँ रहेको छ । चाँदीको मूल्य अघिल्लो दिनको तुलनामा १५ रुपैयाँ बढेको हो । यस अघि गत चैत २२ गते सुनको मूल्यले नयाँ रेकर्ड कायम गरेको थियो । सो दिन सुनको मूल्य प्रतितोला २ हजारले मूल्य बढेको थियो ।