ठुलो मात्रामा लत्ताकपडा सशस्त्र प्रहरी भन्सारद्वारा बरामद

सशस्त्र प्रहरीले अवैध रुपले ल्याएको लत्ताकपडा, स्पिकर बोर्डहरु नियन्त्रणमा लिएको छ।

सशस्त्र प्रहरी बल प्रस्तावित सिमा सुरक्षा गुल्म भन्सार वीरगंजले विभिन्न नाकाहरुबाट भन्सार छलेर ल्याएको लत्ताकपडा, स्पिकर र बोर्डहरु लगाएतको सामानहरु पक्राउ गरेको हो।

सशस्त्र प्रहरीको सिमा सुरक्षा गुल्म भन्सारले वीरगंजको विभिन्न नाकाहरुबाट भित्राएको करिब २ लाख रुपैया बराबरको अवैध लत्ताकपडा, बोर्ड र स्पिकरहरु नियन्त्रणमा लिएको सिमा सुरक्षा गुल्माका प्रमुख एवम सशस्त्र प्रहरी नायब उपरीक्षक रामजङ्ग पाण्डेले जानकारी दिएका छन।

सशस्त्र प्रहरीले नियन्त्रणमा लिएको लत्ताकपडा, स्पिकर बोर्डहरु आवशयक कारवाहीको लागि वीरगंज भन्सार कार्यालयमा बुझाएको सशस्त्र प्रहरी नायब उपरीक्षक पाण्डेले जानकारी दिए ।