सशस्त्र प्रहरी र नेपाल प्रहरीद्वारा लागूऔषध सहित एक पक्राउ

सशस्त्र प्रहरी बल र नेपाल प्रहरीको संयुक्त टोलीले प्रतिबन्धित लागूऔषध सहित एक जनालाई पक्राउ गरेको छ । सशस्त्र प्रहरी बल प्रस्तावित सिमा सुरक्षा गुल्म वीरगंज र प्रहरी चौकी ईनार्वाले संयुक्तरुपमा लागूऔषधको ७६ बोतलसहित कौशर अलिलाई पक्राउ गरेको हो।

सशस्त्र प्रहरी गुल्म वीरगंज र प्रहरी चौकी ईनार्वाबाट वीरगंज १६ भन्सार पछाडि मन्दिर नजिकैको खेतमा खटिएको संयुक्त टोलीले भारतबाट नेपाल तर्फ आउदै गरेको ना २१ प ५६९४ नम्बरको मोटरसाइकल रोकी चेकजाँच गर्दा विभिन्न औजारहरु राख्ने ठाँउमा लुकाई छिपाई राखेको लागूऔषध सहित एकजनालाई नियन्त्रणमा लिएको सशस्त्र प्रहरी बल प्रस्तावित सिमा सुरक्षा गुल्मका प्रमुख रामजङ्ग पाण्डेले जानकारी दिए ।

पक्राउ परेका अलिसहित प्रतिबन्धित लागूऔषध र मोटरसाइकल आवश्यक कारवाहीको लागि जिल्ला प्रहरी कार्यालय पर्सामा पठाएको सशस्त्र प्रहरी नायब उपरीक्षक पाण्डेले जानकारी दिए ।