बिलबिजक भन्दा बढी सामग्री बोकेको ट्रक र पिकअप प्रहरीद्वारा नियन्त्रण

पर्सा प्रहरीले बिलबिजक भन्दा बढी सामग्री बोकेको मालबाहक सवारी साधनहरुबाट हाडवेयर र लत्ताकपडाहरु बरामद गरेको छ । प्रहरीले ट्रक र पिकपबाट बिलबिजक भन्दा बढी बोकेको करिब डेढ १ करोड रुपैया बराबरको हाडयेवर र लत्ताकपडाहरु नियन्त्रणमा लिएको हो ।

जिल्ला प्रहरी कार्यालय पर्साबाट विशेष सूचनाको आधारमा गण्डक स्थित सडक खण्डमा खटिएको टोलीले वीरगंजबाट काठमाडौ तथा बुटवल तर्फ जादै गरेको ना ५ ख ६९५९ नम्बरको मालवाहक ट्रक र प्रदेश ३-०१-०२२ च ३५५५ नम्बरको पिकअपमा बिजक भन्दा बढिको करिब १ करोड ४३ लाख ६४ हजार रुपैया बराबरको हाडवेयर र लत्ताकपडाहरुसहित नियन्त्रण गरेको जिल्ला प्रहरी कार्यालय पर्साका प्रमुख एवम प्रहरी नायब उपरीक्षक कोमल शाहले जानकारी दिए ।

त्यसैगरि पक्राउ परेको हाडवेयर , लत्ताकपडाहरुसहित मालबाहक ट्रक र पिकपलाई नियन्त्रणमा लिई थप अनुसन्धानको लागि राजशव अनुसन्धान कार्यालय पथलैया बारामा बुझाएको पनि प्रहरी उपरीक्षक कोमल शाहले बताए।